Íbúð - Orlofsleiga - Vetrarleiga - San Miguel de Salinas

Virkilega falleg íbúð til orlofs- eða vetrarleigu í San Miguel de Salinas. Íbúðin sem er á jarðhæð, samanstendur af 2 svefnherbergjum, 2 baðherbergjum, eldhúsi og stofu/borðstofu. Úr stofunni er útgengt á fína verönd með gervigrasi og útihúsgögnum. Einnig er útgengt á lítið útisvæði baka til. Íbúðin er staðsett í fallegum, lokuðum kjarna þar sem íbúar hafa aðgang að sameiginlegri sundlaug. Íbúðin er virkilega smekklega innréttuð og er loftkæling.

Staðsetningin er mjög góð en íbúðin er staðsett í útjaðri San Miguel de Salinas. San Miguel er lítill bær sem er staðsettur í ca 15 mínútna akstursfjarlægð frá Torrevieja. Öll þjónusta er til staðar í bænum þrátt fyrir að vera lítill og rólegur. Ýmiskonar afþreying er í boði allt um kring og ættu allir að finna eitthvað við sitt hæfi. Í San Miguel de Salinas búa 7-8000 manns en bærinn er vinsæll meðal bæði breta og norðurlandabúa.

Vinsamlegast hafið samband fyrir frekari upplýsingar á [email protected] eða í síma 888-9400 og við svörum um hæl - Sólarmegin í lífinu!