Íbúð til skammtímaleigu á virkilega góðum stað í Punta Prima. Íbúðin samanstendur af 2 svefnherbergjum, 1 baðherbergi, fullbúnu eldhúsi og bjartri stofu. Úr stofunni er útgengt á góðar svalir með útsýni yfir sameiginlegan sundlaugagarð og að sjónum. Íbúðin er á 2 hæð í lyftuhúsi en hún er staðsett í virkilega góðum kjarna sem heitir Panorama Park. Þar hafa íbúar aðgang að lokuðum garði með sameiginlegum sundlaugum.

Staðsetningin er mjög góð en stutt er í alla þjónustu eins og verslanir, veitingastaði og bari en það er allt í göngufæri. Aðeins 7 mínútna gangur er í næstu strönd og er La Zenia Boulevard verslunarmiðstöðin í 5 mínútna akstursfjarlægð. Þar eru yfir 200 verslanir og veitingastaðir og allir ættu að finna eitthvað við sitt hæfi. Allt um kring er ýmisskonar afþreying fyrir unga sem aldna sem gerir svæðið tilvalið til að njóta með fjölskyldunni. Góðir 18 holu golfvellir eru skammt undan en þar má nefna Villamartin, Campoamor, Las Colinas og Las Ramblas.