Fallega innréttuð íbúð á efri hæð í Punta Prima til orlofs- eða vetrarleigu. Íbúðin sem er 64m2 samanstendur af 2 svefnherbergjum, 2 baðherbergjum, eldhúsi og stofu/borðstofu. Gólfhiti er í bæði svefnherbergjum og stofu. Úr stofunni er stór opnanleg hurð út á svalirnar en þaðan er stigi upp á stórt sólþak. Svalirnar snúa út í sameiginlegan sundlaugagarð. Pláss er fyrir 4 manneskjur í íbúðinni + ungabarn en hægt er að fá barnastól og rúm. Íbúðin er í nýlegum kjarna þar sem íbúar hafa aðgang að bílastæðum og sameiginlegum garði með leiksvæði og sundlaug.

Staðsetningin er mjög góð en stutt er í alla þjónustu eins og verslanir, veitingastaði og bari. Næsta strönd er í ca kílómeters fjarlægð en þar eru góðar gönguleiðir meðfram sjónum. Allskyns afþreying er í næsta nágrenni eins og vatnasport ýmiskonar og einnig eru góðir 18 holu golfvellir skammt undan.

-  Vinsamlegast hafið samband fyrir laus tímabil og verð -