Íbúð - Punta Prima - Vetrarleiga - Orlofsleiga

Virkilega hugguleg íbúð á góðum stað í Punta Prima til orlofs- eða vetrarleigu. Íbúðin samanstendur af 2 svefnherbergjum, 2 baðherbergjum, opnu eldhúsi og stofu/borðstofu. Í öðru svefnherberginu er hjónarúm en í hinu eru 2 einstaklingsrúm. Annað baðherbergið er inn af svefnherbergi. Úr stofunni er útgengt á stórar og góðar svalir með útsýni yfir fallegan sameiginlegan sundlaugagarð. Bílastæði í bílageymslu fylgir íbúðinni.

Staðsetningin er mjög góð en stutt er í alla þjónustu eins og verslanir, veitingastaði og bari. Skammt undan en La Zenia Boulevard verslunarkjarninn en þar má finna yfir 200 verslanir og veitingastaði og allir ættu að finna eitthvað við sitt hæfi. Aðeins 170m eru í næstu strönd. Í næsta nágrenni má finna góða 18 holu golfvelli en þar má nefna Las Ramblas, Las Colinas, Villamartin og Campoamor Golf. Alicante flugvöllur er i ca 40 mínútna akstursfjarlægð.