Íbúð - Vetrarleiga - Orlofsleiga - Pilar de la Horadada

Falleg íbúð til orlofs- eða vetrarleigu í Pilar de la Horadada. Íbúðin samanstendur af 2 svefnherbergjum, 2 baðherbergjum, eldhúsi og stofu/borðstofu. Útgengt er á svalir og einnig upp á rúmgott sólþak þar sem tilvalið er að njóta sólarinnar! Loftkæling er í íbúðinni. Íbúðin er staðsett í góðum, lokuðum kjarna þar sem íbúar hafa aðgang að sameiginlegri sundlaug.

Staðsetningin er mjög góð en stutt er í alla þjónustu eins og verslanir, veitingastaði og bari. Pilar de la Horadada er lítill bær sem er staðsettur rétt suður af Torrevieja en þrátt fyrir rólegheit er stutt í meira líf fyrir þá sem leita að því. Ýmiskonar afþreying er í boði allt um kring og allir ættu að finna eitthvað við sitt hæfi.