Virkilega falleg ný íbúð á jarðhæð í Quesada. Íbúðin sem er 175m2 samanstendur af 2 svefnherbergjum, 2 baðherbergjum, stofu/borðstofu og eldhúsi. Íbúðinni fylgir garður sem er 86m2 en hún er staðsett í mjög góðum íbúðakjarna þar sem íbúar hafa aðgang að fallegum garði og sameiginlegri sundlaug.

Quesada er vinsælt svæði þar sem stutt er í alla þjónustu eins og verslanir, veitingastaði og bari. Í aðeins 3 km fjarlægð er að finna strendurnar í Guardamar, El Moncayo og La Mata. Aðeins lengra í burtu eru strendurnar í Torrevieja og Orihuela Costa en þar er einnig að finna vinsælu verslunarmiðstöðvarnar Habaneras og La Zenia Boulevard. Skammt undan eru góðir golfvellir eins og La Finca, La Marquesa, Villamartin, Campoamor og Las Colinas Golf.